Pozita: Kryetar
Email: imri.ahmeti@rks-gov.net
Numri i telefonit: 03820041522

Profili i Kryetarit

IMRI AHMETI – Kryetar i Komunës së Lipjanit

Emri Mbiemri: Imri Ahmeti është i lindur me 05.08.1964 në Torinë –Lipjan.

Profesioni: Jurist i diplomuar-Universiteti i Prishtinës

Karriera e Punës : Nga 23.12.2013 – 2017 Kryetar i Komunës Lipjan – mandati parë.

Nga 23.11.2017 – 2021 Kryetar i Komunës Lipjan – mandati dytë.

Nga 26.11.2021 -2025 Kryetar i Komunës Lipjan – mandati tretë.

Para se te zgjidhej Kryetar i Komunës ( dhjetor 2013) ishte deputet i Parlamentit të Kosovës.

Ka ushtruar funksionin e zv/ministrit në Ministrinë e Punëve të Brendshme në Qeverinë e Kosovës.

Një periudhë të punës se tij ka ushtruar funksionin e këshilltarit të lartë politik në
kabinetin e zëvendëskryeministrit të Qeverisë së Republikës së Kosovës.

Në Kabinetin e Presidentit të Kosovës ka ushtruar funksionin e këshilltarit politik për çështje të
pushtetit lokal.

Një mandat e ka ushtruar në cilësinë e Kryeshef-it Ekzekutiv të Komunës së Lipjanit.

Para se te zgjidhej Kryeshef ka qenë shef i Inspektoratit të KK Lipjan dhe Shef i sektorit për regjistrimin e bizneseve.

Hapat e parë i ka shënuar në Shkollën e Mesme Ulpiana në Lipjan në cilësinë profesor i lëndëve juridike.

Imri Ahmeti, aktualisht është Kryetar i Komunës së Lipjanit, Kryetar i Asociacionit të Komunave të Kosovës, Sekretar i Përgjithshëm i LDK-së, dhe Kryetar i LDK- dega në Lipjan.

Është i martuar dhe ka tre fëmijë.

Jeton në fshatin e lindjes në Torinë- Komuna Lipjan.

Përgjegjësit

Kryetari i komunës i zbaton përgjegjësitë në vijim:

a) Përfaqëson komunën dhe vepron në emër të saj,
b) Udhëheq ekzekutivin e komunës dhe administratën e saj dhe mbikëqyrë administrimin financiar të komunës,
c) Ushtron të gjitha kompetencat, të cilat nuk i jepen në mënyrë eksplicite Kuvendit të Komunës apo komiteteve të tij,
d) Ekzekuton aktet e Kuvendit të Komunës,
e) Emëron apo shkarkon zëvendësit e tij/saj,
f) Emëron dhe shkarkon anëtarët e tij të cilët i ndihmojnë atij në kryerjen e detyrave;
g) Organizon punën dhe drejton politikën e komunës,
h) Propozon rregullore apo akte të tjera për miratim në Kuvendin e Komunës,
i) Propozon zhvillimin komunal, planet rregullative dhe investuese, propozon buxhetin vjetor për miratim në Kuvendin e Komunës dhe e ekzekuton buxhetin e miratuar,
j) Raporton para Kuvendit të Komunës për situatën ekonomiko-financiare të komunës dhe për zbatimin e planeve investuese të komunës, së paku njëherë në gjashtë muaj apo kurdoherë që kërkohet nga Kuvendi i Komunës,
k) Mund të kërkojë që Kuvendi i Komunës ta shqyrtojë një akt komunal para hyrjes në fuqi, kur konsideron se akti cenon legjislacionin në zbatim dhe/apo interesin e komuniteteve,
l) Do të konsultojë nënkryetarin për komunitete për çështjet që kanë të bëjnë me komunitetin jo shumicë dhe
m) Aktivitete tjera të përcaktuara me dispozita ligjore.

Profili i Kryetarit

Përgjegjësit

How do I?

Si mund të?