Komuna e Lipjanit, përkatësisht Drejtoria për Bujqësi dhe Pylltari, ka shpallur thirrjen publike për aplikim për subvencionimin e qumështit për litër, me qëllim të mbështetjes së fermerëve prodhues të qumështit.
Subvencionimi përfshin sasinë e qumështit të dorëzuar në qumështore gjatë periudhës korrik-dhjetor 2025, ndërsa të drejtë aplikimi kanë të gjithë fermerët që janë banorë të Komunës së Lipjanit dhe që ushtrojnë veprimtarinë e tyre në këtë territor.
Të interesuarit duhet të dorëzojnë formularët e plotësuar në Qendrën për Shërbim të Qytetarëve, në sportelet 1 dhe 2 të Komunës së Lipjanit.
Afati për aplikim është 15 ditë nga data e publikimit të kësaj thirrjeje.
Për më shumë informata mbi kriteret dhe procedurat e aplikimit, ju lutemi klikoni në linkun më poshtë: https://lipjan.rks-gov.net/…/uploads/2026/04/18568-1.pdf
