Në Sheshin “Adem Jashari” u zhvillua Panairi Rinor, në kuadër të programit “Rinia Fest 2025”. Ky aktivitet i dedikuar për të rinjtë, krijoi një atmosferë festive për të gjithë pjesëmarrësit.
Të rinjtë patën mundësinë të përjetojnë për herë të parë eksperiencën unike me Syzet VR, ku lojërat interaktive i transportuan në një botë virtuale magjike.
Punëtoritë e argjilës ofruan mundësi kreative për të krijuar objekte unike, të cilat pjesëmarrësit i morën me vete si kujtim nga kjo ditë e veçantë.
Ngjarja u shoqërua me lojëra argëtuese, muzikë dhe dhurata surprizë për të gjithë të rinjtë që morën pjesë.
