Nënkryetari i Komunës së Lipjanit z. Diamant Bytyqi, së bashku me bashkëpunëtorët e tij, me rastin e 27-vjetorit të rënies, ka bërë homazhe dhe ka vendosur buqeta me lule pranë pllakës përkujtimore të dëshmorit Vezir Kolshi në Baicë, në shenjë respekti dhe mirënjohjeje për sakrificën e tij.
Me këtë rast nënkryetari Bytyqi, theksoi se vepra dhe sakrifica e dëshmorëve të lirisë mbeten themel i shtetndërtimit dhe obligim i përhershëm për institucionet dhe shoqërinë, që të ruajnë dhe forcojnë vlerat për të cilat ata dhanë jetën. Ai shtoi se përkujtimi i tyre është një kujtesë e vazhdueshme për përgjegjësinë që kemi ndaj së ardhmes dhe brezave që vijnë.
Në kuadër të aktiviteteve përkujtimore, u mbajt edhe një orë letrare me rastin e Ditës së Shkollës, e cila mban me krenari emrin e dëshmorit “Vezir Kolshi”.
Lavdi dëshmorit Vezir Kolshi!
