Kryetari i Komunës së Lipjanit, z. Imri Ahmeti së bashku me drejtorin e Bujqësisë z.Rexhep Rexhepin, gjatë ditës së sotme kanë pritur përfaqësues të lartë nga Organizata e Qatar Charity në shtetin e Katarit të prirë nga z. Ali Karadagi dhe z. Ahmed Fahru të shoqëruar nga z.Ahmad Al Ashal drejtor Qatar Charity zyra në Prishtinë.
Gjatë takimit është diksutuar mbështetja dhe donacionet e ndryshme nga organizata Qatar Charity për qyetatrët e komunës së Lipjanit përmes shpërndarjes së grandeve të vogla nga sektori i bujqësisë për familjet me kushte të rënda ekonomike, me qëllim të fuqizimit ekonomik të këtyre familjeve.
Kryetari Imri Ahmeti ka falënderuar përfaqësuesin e organizatës Qatar Charity Ali Karadagi, për gatishmërinë që ka treguar shteti i Katarit që një kohë për ti ndihmuar qytetarët e Komunës së Lipjanit të cilët kanë pasur nevojë për ujë të pijes si dhe tani me projektin tjetër për qytetarët të cilët janë me gjendje jo të mirë ekonomike përmes granteve të vogla ndihmë kjo e cila për Komunën e Lipjanit është shumë e mirëseardhur.
Nga ana tjetër, Ali Karadagi, ka falenderuar Kryetarin Imri Ahmeti për bashkëpunimin e mirë dhe korrekt që ka treguar deri më tani, duke e uruar në të njejten kohë Kryetarin Ahmeti për mandatin e katërt.
Ndryshe, Komuna e Lipjanit viteve të fundit ka bashkëpunuar ngusht me organizatën Qatar Charity, bashkëpunim ky i cili u kumtua edhe sot që do vazhdojë edhe më thellë në të ardhmen.
Kryetari Imri Ahmeti së bashku me përfaqësuesit nga Organizata e Qatar Charity kanë takuar edhe disa nga përfituesit e këtyre donacioneve.
