Bashkëbisedimi u përqendrua në çështjet e sigurisë dhe zhvillimit ekonomik.
Kryetari Ahmeti tha se Komuna e Lipjanit është një komunë e cila ka shënuar zhvillim të vazhdueshëm dhe ka potencial të madh për investime, andaj bashkëpunimi institucional me organet e sigurisë ka qenë gjithmonë prioritet, me qëllim krijimin e një ambienti të sigurt për të gjithë qytetarët tanë, për çka jemi mirënjohës edhe për rolin dhe kontributin e KFOR-it në ruajtjen e sigurisë.
Nga ana tjetër Koloneli Klinar falënderoi kryetarin Ahmeti për bashkëpunimin e deritashëm dhe shprehu përkushtimin e thellimit të bashkëpunimit jo vetëm në sferën e sigurisë, por edhe në fusha të tjera me interes për qytetarët e Komunës së Lipjanit.
