Kryetari i Komunës së Lipjanit z. Imri Ahmeti, sot ka pritur në takim zëvendësudhëheqësin e ekipit të projektit KosEd, të financuar nga Bashkimi Evropian z. Robert Blease, me të cilin diskutoi për mundësitë e bashkëpunimit në fushën e arsimit.
Gjatë takimit kryetari Ahmeti, vlerësoi rëndësinë e analizimit të gjendjes në arsim dhe theksoi nevojën për identifikimin dhe adresimin e sfidave ekzistuese në sistemin arsimor.
“Vlerësoj punën dhe angazhimin tuaj në këtë fushë, pasi që kontribuon në njohjen më të mirë të gjendjes në arsim. Si komunë do të ndërmarrim hapa konkretë brenda kompetencave tona për të përmirësuar cilësinë e arsimit”, tha kryetari, z. Imri Ahmeti.
Ndërsa zëvendësudhëheqësi i projektit z. Robert Blease, prezantoi mundësitë që ofron projekti KosEd, duke theksuar mbështetjen për ngritjen e kapaciteteve për vlerësim të brendshëm, përmes trajnimeve dhe punëtorive të dedikuara për drejtues dhe mësimdhënës.
Ky bashkëpunim synon fuqizimin e institucioneve arsimore në Komunën e Lipjanit dhe përmirësimin e vazhdueshëm të cilësisë së arsimit përmes zhvillimit profesional dhe mbështetjes institucionale.
