Kryetari i Komunës së Lipjanit, z. Imri Ahmeti, ka nënshkruar sot Memorandum Mirëkuptimi dhe Bashkëpunimi me Kryetarin e Lidhjes së Bizneseve të Kosovës, z. Besart Dreshaj, me qëllim të forcimit të bashkëpunimit institucional dhe zhvillimit ekonomik të qëndrueshëm në komunën tonë.
Përmes kësaj marrëveshjeje, palët janë zotuar të bashkëpunojnë në promovimin e prodhimeve vendore, mbështetjen e sektorit privat, nxitjen e investimeve të huaja dhe zhvillimin e projekteve me karakter ekonomik, në të mirë të qytetarëve dhe bizneseve të Komunës së Lipjanit.
Në kuadër të këtij memorandumi, Komuna e Lipjanit do të ofrojë mbështetje për iniciativat që ndikojnë pozitivisht në përmirësimin e klimës së të bërit biznes dhe në fuqizimin e sektorit privat.
Kjo është një tjetër dëshmi e përkushtimit institucional për krijimin e kushteve sa më të favorshme për zhvillim ekonomik dhe për të rritur bashkëpunimin me përfaqësuesit e sektorit privat.
