Kryetari i Komunës së Lipjanit, z. Imri Ahmeti, sot ka pritur në takim delegacionin e Këshillit të Bashkësisë Islame në Lipjan, të kryesuar nga kryetari z. Zaim Baftiu. Gjatë takimit, z. Baftiu i uroi kryetarit Ahmeti mandatin e ri, duke vlerësuar punën e tij të deritanishme dhe bashkëpunimin e vazhdueshëm me Bashkësinë Islame.
Kryetari i BIK-ut në Lipjan, z. Baftiu, shprehu mirënjohjen për mbështetjen institucionale që Bashkësia Islame ka marrë ndër vite nga Komuna e Lipjanit. Ai theksoi se rezultatet dhe vlerësimi i qytetarëve janë pasqyrim i punës së mirë dhe bashkëpunimit të ndërsjellë. Po ashtu, z. Baftiu i dhuroi kryetarit Ahmeti një simbolikë mirënjohjeje, si shenjë vlerësimi për bashkëpunimin e vazhdueshëm.
Ndërsa kryetari z. Ahmeti falënderoi Këshillin e Bashkësisë Islame për urimet dhe bashkëpunimin e vazhdueshëm. Ai theksoi se institucionet komunale mbeten të përkushtuara për të ndërtuar partneritet të qëndrueshëm me të gjitha mekanizmat lokalë, me qëllim të avancimit të proceseve dhe ofrimit të shërbimeve më të mira për qytetarët.
