Sot në zyrën e kryetarit të Komunës së Lipjanit z. Shukri Buja ka qëndruar për një vizitë pune Kryeministri Kosovës z. Hashim Thaçi me bashkëpunëtor.
Sot në zyrën e kryetarit të Komunës së Lipjanit z. Shukri Buja ka qëndruar për një vizitë pune Kryeministri Kosovës z. Hashim Thaçi me bashkëpunëtor. Kryetari i Komunës së Lipjanit z. Shukri Buja tha “e informova kryeministrin për projektet në komunën e Lipjanit të cilat janë në implementim dhe të cilat kanë përfunduar, kryesisht janë implementim I buxhetit komunal të planifikuar për këtë vit. Janë investime në kanalizim që është fusha më me rëndësi së cilës i kemi dhënë prioritet. Dhe me përkrahjen e ministrive kemi asfaltuar e disa rrugë dhe kemi shtrirë՞ rrjetin e kanalizimit dhe gjithsesi njoftova kryeministrin për projekte që I kemi për arsimin, tri shkolla që janë në ndërtim dhe dy shkolla që janë në fazën e tenderimit. Projektet e bashkësisë evropiane të cilat i kemi përfituar për kanalizimin në fshatrat Medvec-Vrellë dhe projekti më I madh që është në komunën e Lipjanit, rrejti I ujësjellësit që është implementim prej vitit të kaluar në vlerë prej 2.4 milionë euro në bashkëpunim me USAID-i. Ndërsa Kryeministri i Kosovës z. Hashim Thaçi tha “Unë Kam vizituar kryetarin Buja për ta përgëzuar për punën që është duke e bërë në shërbim të gjithë qytetarëve të Lipjanit. Ndryshimet më të mira të mundshme po shihen dhe janë duke I ndjerë të gjithë qytetarët kësaj komune. Me investime qoftë të autoriteteve komunale , qoftë të mbështetura nga Qeveria e Republikës së Kosovës. Projektet të cilat janë në proces do të vazhdojnë së implementuari, qoftë në aspektin e infrastrukturës, apo të angazhimeve tjera të cilat janë të planifikuara nga autoritetet komunale, tha mes të tjerash gjatë vizitës bërë komunës së Lipjanit Kryeministri Thaçi.