Në kuadër të aktiviteteve për shënimin e 7 Marsit, Ditës së Mësuesit, Drejtoria Komunale e Arsimit në Lipjan organizoi ceremoninë e ndarjes së mirënjohjeve për mësimdhënësit e dalluar të vitit shkollor 2025/2026.
Me këtë rast u ndanë mirënjohje për mësimdhënësit më të dalluar në secilën shkollë të komunës, duke vlerësuar kontributin dhe përkushtimin e tyre në procesin edukativo arsimor.
Mësimdhënësja e dalluar për Komunën e Lipjanit për vitin shkollor 2025/2026 u shpall Besa Tmava Bërbatovci, e cila njëkohësisht është nominuar për çmimin “Shaban Jashari”.
Drejtori i Drejtorisë së Arsimit, z. Rasim Hasani, theksoi se roli i mësimdhënësit është thelbësor në edukimin dhe formimin e brezave të rinj, duke e cilësuar atë si një ndër shtyllat kryesore të zhvillimit të shoqërisë. Ai shtoi se vlerësimi dhe mbështetja për mësimdhënësit duhet të jenë prioritet për çdo shoqëri që synon progres dhe të ardhme më të mirë.
Komuna e Lipjanit mbetet e përkushtuar në vlerësimin dhe mbështetjen e mësimdhënësve për rolin e tyre të rëndësishëm në edukimin e gjeneratave të reja.
