Drejtoria për Arsim në Komunën e Lipjanit, përmes Ekipit Komunal për Vlerësimin e Fëmijëve me Nevoja të Veçanta, ka organizuar një punëtori me mësimdhënësit e shkollave, me temën “Nga identifikimi te mbështetja, Udhëzues praktik për hartimin e Planit Individual Arsimor.
Drejtori i Arsimit z. Rasim Hasani, theksoi rëndësinë e këtij aktiviteti, duke potencuar se çdo nxënës meriton mbështetje dhe mundësi të barabarta në arsim. Ai vuri në pah rolin thelbësor të mësimdhënësve dhe asistentëve në adresimin e nevojave individuale të nxënësve dhe në krijimin e një mjedisi gjithëpërfshirës në shkolla.
Trajnimi kishte për qëllim ngritjen e kapaciteteve profesionale të mësimdhënësve në identifikimin e nevojave të nxënësve dhe hartimin e Planeve Individuale Arsimore, me fokus në ofrimin e mbështetjes së duhur dhe sigurimin e përfshirjes së tyre aktive në procesin mësimor.






