Komuna e Lipjanit, përkatësisht Drejtoria për Ekonomi dhe Zhvillim në bashkëpunim me organizatën HELP Kosova, në kuadër të projektit “Punë dhe Aftësi për Parandalimin e Migrimit në Kosovë”, njofton të gjithë qytetarët për hapjen e thirrjes për aplikim për mbështetje në zhvillimin e veprimtarive ekonomike dhe krijimin e të ardhurave.
Thirrja është e dedikuar ekskluzivisht për qytetarët që jetojnë dhe veprojnë në territorin e Komunës së Lipjanit, si dhe për veprimtaritë biznesore që zhvillohen në këtë komunë.
Kush mund të aplikojë?
• Persona që planifikojnë të fillojnë një biznes të ri (start-up);
• Biznese ekzistuese, të regjistruara ose të paregjistruara, që planifikojnë zgjerimin e veprimtarisë së tyre;
• Persona me përvojë, aftësi profesionale ose njohuri relevante në fushën për të cilën aplikojnë;
• Aplikues që janë të gatshëm të sigurojnë 15% bashkëfinancim të vlerës së mbështetjes së miratuar.
Fushat e mbështetjes
Mbështetja synon kryesisht veprimtari prodhuese, përpunuese, artizanale dhe shërbyese, duke përfshirë sektorë të ndryshëm ushqimorë, përpunues dhe fusha të tjera që krijojnë vlerë të shtuar, të ardhura dhe mundësi për hapjen e vendeve të reja të punës.
Çfarë mbështetje ofrohet?
Për përfituesit e përzgjedhur parashihet mbështetje deri në 2,500 €, në formë të pajisjeve të nevojshme për fillimin, zhvillimin ose zgjerimin e biznesit, si dhe trajnime profesionale.
Aplikimet do të vlerësohen mbi bazën e kritereve ekonomike dhe sociale, duke përfshirë përvojën dhe aftësitë e aplikuesit, njohuritë për veprimtarinë e propozuar, realizueshmërinë dhe potencialin e biznesit, kërkesën në treg, arsyeshmërinë e pajisjeve të kërkuara, të ardhurat dhe shpenzimet e pritshme, si dhe potencialin për krijimin e vendeve të reja të punës.
AFATI I FUNDIT PËR APLIKIM
20 TETOR 2026
Formulari i aplikimit duhet të plotësohet në tërësi dhe të shoqërohet me dokumentacionin e kërkuar.
Me postë: Help Kosovo, Fahu Postar Nr. 42, 10000 Prishtinë
Me email: apply@help-kosovo.org
Aplikimi online: apply.help-kosovo.org
Për sesionin informues lidhur me këtë thirrje, qytetarët dhe të gjithë të interesuarit do të njoftohen në ditët në vijim nga DEZH, për datën, orën dhe vendin e mbajtjes.
