Kryesuesi i Kuvendit të Komunës së Lipjanit z. Daut Azemi, sot ka mbajtur dëgjimet buxhetore në kuadër të procesit të planifikimit të buxhetit për periudhën 2027–2029.
Gjatë takimit Kryesuesi Azemi, fillimisht prezantoi para të pranishmëve buxhetin e Komunës së Lipjanit, me theks të veçantë në investimet kapitale. Ai theksoi gjithashtu rëndësinë e pjesëmarrjes së qytetarëve në këtë proces, duke vlerësuar se kontributi i tyre ndihmon në identifikimin e nevojave dhe prioriteteve për zhvillimin e komunës.
Pjesëmarrësit paraqitën propozimet, kërkesat dhe prioritetet e tyre, të cilat do të propozohen gjatë procesit të përcaktimit të prioriteteve dhe hartimit të buxhetit të Komunës së Lipjanit për vitet 2027–2029, në përputhje me nevojat dhe interesat e qytetarëve.
Në këto dëgjime ishin të ftuar anëtarët e Kuvendit Komunal, përfaqësuesit e Komitetit për Politikë dhe Financa dhe të Komitetit për Komunitete, qytetarët e Komunës së Lipjanit, kryetarët e këshillave të fshatrave, përfaqësuesit e organizatave joqeveritare dhe përfaqësueset e grupit të grave.
