Gjatë ditës së sotme, Kuvendi i Komunës së Lipjanit, i udhëhequr nga Kryesuesi, z. Daut Azemi, zhvilloi punimet e mbledhjes së 6-të me radhë, në të cilën u shqyrtuan dhe u miratuan të gjitha pikat e rendit të ditës, të propozuara për këtë seancë.
Nënkryetari i Komunës së Lipjanit, z. Diamant Bytyqi, gjatë kësaj seance ka dhënë sqarime për të gjitha pyetjet dhe çështjet e ngritura nga anëtarët e Kuvendit të Komunës.
Gjatë punimeve të kësaj seance u miratuan këto pika të rendit të ditës:
•Aprovimi i ekstrakteve nga mbledhja e 4-të (e jashtëzakonshme) dhe e 5-të.
•Raporti i shpenzimeve dhe i të hyrave Janar-Mars 2026.
•Propozim Vendim për miratimin e Planit Komunal të Veprimit për të zhvendosurit dhe zgjidhje të qëndrueshme 2026-2028.
•Propozim Vendim për caktimin e lokacionit për Shkollën Fillore të Mesme të Ulët “Vëllezërit Frashëri” në Lipjan.
•Propozim Vendim paraprak për dhënien në shfrytëzim afatshkurtër të pronave të paluajtshme-lokaleve afariste të Komunës në Zonat Kadastrale Lipjan.
•Propozim Vendim për formimin e Komisionit Vlerësues për zbatimin e procedurave për dhënien në shfrytëzim afatshkurtër të pronave të paluajtshme-lokaleve afariste të Komunës në Zonat Kadastrale Lipjan.
•Propozim Vendim paraprak për dhënien në shfrytëzim afatshkurtër të pronës së paluajtshme-bujqësore të Komunës në ZK-Dobrajë e Vogël dhe Smallushë.
•Propozim Vendim për formimin e Komisionit Vlerësues për zbatimin e procedurave për dhënien në shfrytëzim afatshkurtër të pronës së paluajtshme-bujqësore të Komunës në ZK-Dobrajë e Vogël dhe Smallushë.
•Propozim Vendim paraprak për dhënien në shfrytëzim afatshkurtër të pronës së paluajtshme të Komunës në ZK-Lipjan.
•Propozim Vendim për formimin e Komisionit Vlerësues për zbatimin e procedurave për dhënien në shfrytëzim afatshkurtër të pronës së paluajtshme të Komunës në ZK-Lipjan.
•Propozim Vendim për pezullimin e Vendimit 15NR.353/01-13670, i datës 31.03.2026, për fillimin e procedurës për ndryshim plotësimin e Hartës Zonale të Komunës.
•Propozim Vendim për pezullimin e Vendimit 15NR.353/01-15244, i datës 31.03.2026, për caktimin e lokacionit për fushë futbolli në ZK Babush i Muhaxherëve.
•Propozim Vendim për bartjen e projekteve në kodet ku thesari ka bërë ekzekutimin e vendimeve gjyqësore dhe përmbarimore.
•Propozim Vendim për lirimin nga pagesa e borxheve të qirasë joprofitabile të përfituesve të banimit social.
