Në lidhje me tendencat e fundit për keqinterpretim dhe dezinformim rreth procedurës së përzgjedhjes së operatorit ekonomik për mirëmbajtjen dhe pastrimin e objekteve komunale, sqarojmë opinionin publik:
Procedura në fjalë është zhvilluar në mënyrë të rregullt, transparente dhe në përputhje të plotë me legjislacionin në fuqi. Për më tepër, e njëjta është shqyrtuar dhe validuar edhe nga organi kompetent, OSHP, më datë 16.03.2026, me numër vendimi 2026/0107, duke konfirmuar ligjshmërinë e saj të plotë.
Kontrata përfshin mirëmbajtjen dhe pastrimin e objektit të Komunës, arkivit dhe bibliotekës, QPS-së, si dhe të objekteve të tjera komunale, për një periudhë 24-mujore.
Të gjitha procedurat janë publike dhe transparente, me qasje të plotë për çdo qytetar dhe palë të interesuar.
Përpjekjet për të shtrembëruar këtë proces për qëllime politike janë të papranueshme dhe në kundërshtim me interesin publik. Dezinformimi dhe manipulimi i opinionit nuk i shërbejnë së vërtetës dhe qytetarëve.
Institucionet komunale mbeten të përkushtuara për transparencë, ligjshmëri dhe ofrim të shërbimeve të drejta ndaj qytetarëve.
Më poshtë gjeni sqarimin e detajuar nga Drejtoria e Prokurimit.
