Kryetari i Komunës së Lipjanit, z. Imri Ahmeti, në emër të institucioneve komunale, ngushëllon familjen Rrahmani për ndarjen nga jeta të Dr. Sylejman Rrahmanit, një figurë të nderuar në fushën e shëndetësisë.
E nderuara familje Rrahmani,
Me pikëllim të thellë morëm lajmin për ndarjen nga jeta të Dr. Sylejman Rrahmanit, i cili gjatë gjithë jetës së tij kontribuoi me përkushtim dhe profesionalizëm në shërbim të shëndetit publik.
Dr. Sylejman Rrahmani, i cili gjatë luftës dhe pas saj kontribuoi në shërbimin e shëndetit publik në Gadime dhe fshatrat përreth. Si doktor në QKMF të Lipjanit dha një kontribut të jashtëzakonshëm në zhvillimin dhe përmirësimin e kujdesit shëndetësor.
Përkushtimi humanizmi dhe angazhimi i tij do të mbeten një shembull frymëzues për të gjithë profesionistët e shëndetësisë dhe për brezat që vijnë.
Në këto momente të vështira, shpreh ngushëllimet më të sinqerta për familjen Rrahmani, të afërmit, kolegët, miqtë dhe gjithë ata që e njohën dhe patën rastin të punojnë me të.
Zoti e mëshiroftë!
Imri Ahmeti
Kryetar i Komunës së Lipjanit
